Søtningsstoffet stevia blir godkjent i Norge...

Bilde lånt fra: handicraft-fairtrade-bolivia.com 

Nytt frå Norge i dag 17.november:

«Stevia godkjent av EU» - NRK-Trøndelag, 17.11.2011

«Kva ristype gir størst avling?» - eit eksempel på arbeid Misjonsalliansen støttar.

Bolivia er eit mangfaldig land! Det einaste dei manglar er ei kyststripe, elles har landet alt frå høgslette til jungel. Dette gjer at det er veldig store variasjonar i samband med landbruksproduksjon, der tilgangen på vatn ofte er den største utfordringa. 

Misjonsalliasen driv arbeid for å betre tilhøva for bønder. I Caranavi har det vore eit risprosjekt for å finne ut kva ristype som gir størst avling ut frå klimaet som er der. Her kan du sjå ein film om dette prosjektet!

Bondelagskurs på El Alto

I dag har eg vore på El Alto nok ein gong denne veka. Mandag var eg med på første dagen av eit bondelagskurs som gjekk over to dagar i distrikt 9. I går og i dag vart det same kurset halde for bønder i distrikt 11, og eg var med på siste delen der.

Ein framtidig bonde?

Det er andre tilhøve for bøndene her enn det vi kjenner frå Noreg. Mellom anna er vasstilgangen ei utfordring fordi det er veldig tørt i periodar av året. No, før regntida byrjar, er det veldig mykje brunt og uttørka gras. Og dyra som går rundt og beitar har ikkje så mykje anna valg enn å ete det dei finn. Er dei heldige så renn det vatn i ein bekk nær der dei beitar, elles så får dei gjerne vatn to gongar til dagen.

Misjonsalliansen er med på å halde og organisere kurs for bøndene i utkantdistrikta på El Alta. Todagarskurset denne veka har tatt for seg tema som sjukdomslære og dyrehelse, samt dagens tema; fôring og såing av beite/fôrgras.