Norsk kveldsmat i La Paz

I dag har eg vore på matbutikken «ketal» og kjøpt brødmat, slik at eg har til både frukost og kvelds. Det nærmaste norsk grovbrød eg fann var «Vollkornbrot». Pålegget eg kjøpte i tillegg til smør var jordbærsyltetøy og ein kvit smøreost. Det var godt med litt ordentleg brødmat igjen. Og til maten drakk eg te, coca-te. Alle dei innfødte eg har snakka med her i La Paz seier eg må drikke coca-te fordi det skal hjelpe kroppen i samband med å venne den til høgda. Eg er trass alt nesten 4000 m.o.h. og merkar at det tek på å gå i vanleg tempo i byen, spesielt når eg skal gå i oppoverbakkar. Derfor må eg gå roleg...