¡Buenos dias amigos!

¿Como estan?

Hoy dia estoy resfriado y por eso estoy en la casa para sanarme. Esta aburrido solo guardar cama pero lo mejor para tener descanco. Mientras yo he escuchando la radio y dc con musica boliviana, buscando noticias de la red y leyendo correos.

En el buzón yo tenia la presa de «Misjonsalliansen» que llama [tsjili]. Yo me disfruto leer sobre los diferentes proyectos de la Mision Alianza. Buscando tambien una articulo muy interessante, un retreto de Norah Romero, Resp. Of. Comunicación en la Mision Alianza de Bolivia, MAN-B. Me gusta leer sobre precedente compañeros de Bolivia y tengo buenas recuerdas del tiempo como volontario en MAN-B,  La Paz. 

Que Dios se bendigan amigos y tambien el pais Bolivia!


Saludos y abrazos desde Noruega
Jan Halvard



Abajo puede veer y leer el retreto sobre Norah Romero en la presa [tsjili].

Open publication - Free publishing - More bistand

Reunion en Oslo - voluntarios de Mision Alianza

Denne helga har eg vore i Oslo, og laurdag 3. september var eg på Misjonsalliansen sitt volontørtreff. Der blei det servert kaffe, te, nybakte bollar og frukt. Og så fekk vi lunsj med ein god dose friidrett frå VM.

Vi som kom var 8 tidlegare volontørar med opphald på Filippinene, i Ecuador og Bolivia dette året året.  Utanom oss var ein representant for Ilimitado og vertsskapet frå Misjonsalliansen. Eg vil seie at eg syns dette var ei god og nyttig samling.

På programmet stod presentasjonsrunde, bilete frå dei tre landa og prat om erfaringar og opplevingar frå våre volontøropphald. I tillegg fekk vi med oss både Andreas Torkilsen og Jaysuma Saidy Ndure gjere sine finalar under VM i friidrett. 

Takk for samværet til de som var med!

Korleis fungerar fadderarbeidet til Misjonsalliansen i Boliva?

I denne filmen får du vite korleis Misjonsalliansen jobbar opp mot skular og born i fadderarbeidet sitt. Her får du høyre promotøren Mario Mullericona fortelje om si rolle i arbeidet, og leiaren på fadderkontoret, Jose de la Peña, fortel om korleis fadderordninga er bygd opp og fungerar.  

Sjå også informasjonsfilmen som blei laga til 2009 i samband med 30-årsjubileet for arbeidet til Misjonsalliansen i Bolivia, - trykk på teksten her.

Vil du vite meir om å bli fadder?
Gå inn her: http://www.blifadder.no/

Gjestehuset Casa Alianza i La Paz, Bolivia

I dag er det eit år sidan eg landa på El Alto internasjonale flyplass fordi eg skulle jobbe som volontør for Misjonsalliansen i Bolivia. Flyet landa i 20 - tida, lokal tid, og eg blei møtt av Camilla som tok meg med ned til Obrajes og Casa Alianza. 

Hoy dia es un año desde yo llegado a Bolivia y La Paz por trabajar como volontario en la Misión Alianza de Noruega en Bolivia, MAN-B. Estoy muy feliz y agradecido por este experiencia en mi vida! 

Fotoserie/fotos -  Casa Alianza


Gjestehuset Casa Alianza i La Paz, Bolivia from Jan Halvard Edvardsen on Vimeo.

Morgonandakten i P1 - «Mikrokreditt og store verdiar»

Det er godt å kjenne at neste steg på vegen vidare er igang. Eg har fått meg jobb, flytta til ein ny plass og funne meg ein plass å bu. Som arbeidstakar må eg jo stille på jobb til rett tid. 

For å vere klar på til rett tid slår klokkeradioen seg automatisk på til dagsnytt kl. 05.30. Og deretter følgjer morgonandakten i P1 som eg pleier å høyre på. 

I dag høyrde eg noko interessant og som gjorde at eg spissa øyrene litt ekstra. Det handla om noko direktøren for ein av mikrokreditt-institusjonane til Misjonsalliansen i Bolivia hadde fortalt - om «de store verdiene banken hadde». Ikkje pengane, men trua på at kvar og ein av dei som søkte lån var deira brødre og søstre. Gud var deira far, og dei skulle møtast med respekt. Det er jo det som er diakoni, og gjer at det passar bra at mikrokredittinstitusjonen til Misjonsalliansen i Bolivia heiter «Diaconia».

Les eller høyr heile andakten her: 

Morgonandakt onsdag 10. august 2011 - NRK P1

Glimt frå volontørtida i La Paz, Bolivia - lysbildefilm

Pictures from my time as voluntary in La Paz, Bolivia - 2010/11 from Jan Halvard Edvardsen on Vimeo.

Aniversario - hoy dia es 11 meces desde yo fui a La Paz para trabajar como voluntario en Misión Alianza de Noruega en Bolivia....

Mision Alianza de Noruega - Den norske Misjonsallianse

La oficina Mision Alianza de Noruega - Den norske Misjonsallianse - Oslo.

Den norske Misjonsallianse vart stifta i 1901 og fyller i år 110 år. Denne diakonale misjonsorganisasjonen arbeider med bistand og utvikling i 10 land i verda. Bolivia er eit av landa dei har norske utsendingar. For dei som ynskjer går det også an og reise ut og jobbe som frivilleg/volontør i Bolivia og Ecuador. Det gir også opplevingar av ein annan kultur og korleis arbeidet til organisasjonen fungerar i praksis. Sjølv oppretta eg denne bloggen medan eg var volontør i Bolivia. 

Puerta de entrada Den norske Misjonsallianse.

Anuncio en un periodico noruega para tener mas padrinos a «Misjonsalliansen».

Un articulo del periodico:

Frivillige organisasjoner mister tillit

Veterinær for Misjonsalliansen i Bolivia

T.h. Magne Steine er klar til å ringe mekanikaren på ein fredagstur med bilen...

Magne Steine er saman med si kone Torborg og deira tre born utsendingar for Misjonsalliansen i Bolivia.

I min periode som volontør har eg vore så heldig å få vere med Magne omlag ein dag i veka på kontoret som ligg på El Alto. Her jobbar han med litt forskjellige saker i eit kontorfelleskap med bolivianske ansatte. Og som utdanna veterinær frå Noreg kjem han også litt borti landbruk og bønder i utkantsdistrikta i byen El Alto. 

Fram til hausten 2013 skal Magne og familien vere i La Paz. I jobben sin har også Magne fått ansvar i samband med Casa Alianza og volontørane. I vår har han mellom anna vore med som ansvarleg for casakveldane. 

På ilimitadokvelden, basaren til inntekt for Misjonsalliansen i Bolivia, fekk Magne vinnarbudet på at eg skreiv om han på min blogg.... 

Eg vil med dette takke deg Magne for tida her i Bolivia og på kontoret på Rio Seco. Lykke til vidare i jobben, og Guds velsigning for deg og familien!

Avskjed med volontørane våren 2011

Då nærmar 31. mars seg og tida er komen for å ta avskjed med Bolivia, La Paz, Misjonsalliansen, Casa Alianza, volontørar og dei nye lokale venene eg har fått.

I dag var det siste «Casakveld» for meg. I morgon er den siste heile dagen her i landet, og så går flyet på torsdag morgon. 

Volontørgjengen som er her denne våren er ei god blanding. Ingebjørg og meg sjølv, Jan Halvard, har vore her sidan august i fjor og blitt kjende med to veldig forskjellige «kull». 

Anne Sofie er utdanna sjukepleiar og jobbar som volontør på eit helsesenter på El Alto.

Andreas har utdanning innan media og har delt volontørtjeneste mellom «Fotball krysser grenser» og arbeid på informasjonskontoret.

Tarald er gift med Åshild. Dei har med seg litle Håvard og brukar fødselspermisjonen til volontørtjeneste for Misjonsalliansen i Bolivia.

Ingebjørg er framleis lærarassistent i engelsk på to forskjellige skular på El Alto.

Maria er utdanna sjukepleiar og jobbar som volontør ved ein helsestasjon på El Alto.

Ylva har delt volontørtenesten sin mellom å vere lærarassistent i engelsk og arbeide med miljøsaker på Misjonsalliansen sitt kontor «Rio Seco», på El Alto.

Halvor er lærarassistent i engelsk på El Alto og har også arbeid på kontoret på Rio Seco, El Alto.

Jan Halvard, meg sjølv, har fram til eg reiser heim arbeidd på informasjonskontoret og skrive forskjellige saker til Misjonsalliansen sine nettsider og magasinet [tsjili]. 

Tida som volontør er inne i sitt sist siste døgn og eg vil med dette takke for meg og ynskje volontørgjengen lykke til vidare!

Mosaic Monday

Gåver, gevinstar og gateparade

Desse gåvene delte Misjonsalliansen ut tirsdag 22. mars til dei som har mista sine hus i bydelen Kupini, La Paz, der det gjekk jordras den 26. februar.

Gevinstane som eg vann på ilimitadobasaren, casakvelden 22. mars, til inntekt for Misjonsalliansen sine prosjekt på El Alto.

Gateparade «Dia del Mar», 23. mars, i La Paz.

Fototriss - På G

Det kan ikkje beskrivast...

Denne helga har det regna masse her i La Paz og natt til søndag gjekk det eit ras i ein av dei fattige bydelane i byen. Mange menneske mista sine hus og heimar med alt dei eigde. Denne hendinga veit eg er gjort kjend i Noreg i fleire medier, og sjølv har eg lese om det i nettutgåver av norske aviser. 

Dette var ein gong ein bilveg...

Situasjonen er både trist og vanskeleg for dei som no ikkje veit kor dei skal gjere av seg. Dei prøver å gjere som best dei kan og dreg tilbake til området der husa stod for å leite etter eigedelar som dei kan bruke. 

Eg fekk vere med ein delegasjon frå Misjonsalliansen på synfaring i området i dag. Der var det masse folk i arbeid med å bære ut ting. Det er om og gjere å utnytte det alt dei kan bruke fordi desse folka står igjen utan noko, og då har alt ein verdi. 

Regn og overfløyming har den seinare tida gjort mange i Bolivia huslause. Og det er ofte dei fattigaste det går ut over. Dei har ikkje råd til å byggje husa sine kor dei vil, og må gjerne ta til takke med område som det ikkje er trygt å bygge i. Og når valget står mellom å ha eit hus eller å ikkje ha eit hus så er det ikkje tryggleiken som blir prioritert.

Weekend in Black and White Black and White Wednesday
Friday Shoot Out - Chaos

Gjengen til Sorata, og på Casa Alianza sit eg...

I dag er gjengen på tur til Sorata for å sjå arbeidet Misjonsalliansen driv der. Kanskje får dei besøke same landsbyen som eg var i fjor haust og sjå hønene som sit på vagle? 

Eg for min del har vore gjennom ein omgang med magesjau og held meg derfor i ro. No er det godt å kjenne at eg har lyst på mat igjen... 

Medan eg låg i senga og var sjuk gjekk tankane heimover. Det er då eg tenkjer kor godt det hadde vore om eg var heime og hadde fått stell av ho mamma...

Eg lengtar heim te mor
Eg er stor, eg er stor
Men ikkje så stor
Eg lengtar heim te mor

                © Odd Nordstoga

Mikrokreditt og fotball - starten på ei betre liv

Fotballkamp på El Alto

Introduksjonsveka her i Bolivia er igang, og i dag stod «Diaconia FRIF» og «Fotball Krysser Grenser» på programmet for volontørar og studentar på Casa Alianza. 

«Diaconia FRIF» er ein mikrofinansinstitusjon som Misjonsalliansen var med å starta i 1991. No er det blitt ein sjølvstendig boliviansk institusjon. Den einaste tilknytinga «Diaconia FRIF» har til Norge no er Misjonsalliansen sine mikrokreditt-fadderar som gir pengar til utlån.

Dagen starta med avreise frå La Paz kl. 8.15 med kurs mot «Diaconia FRIF» sitt hovudkontor på El Alto. I bakgården kom vi til eit bygg der vi gjekk opp i øverste etasjen og fekk ein gjennomgang av korleis mikrokredittarbeidet blir drive. Etter orienteringa og fleire gode spørsmål frå tilhøyrarane tok vi turen ned til lokalkontoret og fekk møte ei lånegruppe. Dei var tilsaman 28 personar, av dei eit par menn, som hadde tatt opp lån i «Diaconia FRIF». Kvar 14. dag møttest dei for å betale inn sine avdrag og ha ei samling. 

Vidare tok vi turen for å besøke ein lånekunde som dreiv ei bedrift med produksjon av strikka produkt i rein alpakkaull. Denne bedrifta hadde 8 - 10 ansatte og var så heldig å ha avtalar med importørar i Tyskland, Austerrike og Belgia som kjøpte alpakkaprodukt av dei. 

Det neste på programmet var tilbake til hovudkontoret til «Diaconia FRIF for lunsj. Ut i måltidet fekk vi med oss ein kort informasjonsfilm om prosjektet «Fotball Krysser Grenser». 

Etter at kyllingmåltidet var ete og filmen sett, drog vi vidare til Misjonsalliansen sitt kontor ved Rio Seco, El Alto. Der møtte vi sjefen for fotballskulane og drog vidare med han til ei fotballbane der borna var godt i gang med si økt. 

Vi fekk høyre fotballeiarane fortelje om «Fotball Krysser Grenser» og fotballskulane som dei driv på El Alto. Deretter var det klart for eit norsk-boliviansk fotballoppgjer på 4000 m.o.h. Kampen varte i vel ein halv time og resultatet eit knepent tap for nordmennene. Gode og svette avslutta gjengen med eit gruppebilete før vi norske drog attende til vår heim, Casa Alianza.

«Introveke» for volontørar og studentar på Casa Alianza.

Det er omlag ein månad sidan dei nye volontørane kom til La Paz og Bolivia. Etter ei tid med spansk og arbeid på forskjellige barneheimar eller IDAI, er det denne veka klart for «introduksjonsveka». Denne veka får vi bli kjend med arbeidet til Misjonsalliansen her i Bolivia. I dag har det vore samling i kjellaren på Casa Alianza med innføring i organisasjonen, om korleis dei arbeidet, kva diakoni er og om IDMAN, utviklingsinstituttet.

I morgon er det ut på feltet for å sjå arbeid i praksis. Første delen av dagen skal vi besøke Diaconia FRIF. Siste del av dagen skal vi besøke fotballstadion og fotballskular i prosjektet «Fotball Krysser Grenser».

Om å vere voluntør for Misjonsalliansen!

Ein liten filmsnutt om tidlegare voluntørar i Bolivia!

Dette støttar du som er fadder i Misjonsalliansen!

«Kva ristype gir størst avling?» - eit eksempel på arbeid Misjonsalliansen støttar.

Bolivia er eit mangfaldig land! Det einaste dei manglar er ei kyststripe, elles har landet alt frå høgslette til jungel. Dette gjer at det er veldig store variasjonar i samband med landbruksproduksjon, der tilgangen på vatn ofte er den største utfordringa. 

Misjonsalliasen driv arbeid for å betre tilhøva for bønder. I Caranavi har det vore eit risprosjekt for å finne ut kva ristype som gir størst avling ut frå klimaet som er der. Her kan du sjå ein film om dette prosjektet!

Diaconia FRIF - ein film om mikrofinans, spansk versjon/version en español

Mikrokreditt - lån til fattige folk som ikkje kan få lån i vanlege bankar. I Bolivia driv Misjonsalliansen organisasjon Diaconia FRIF og lånar ut millionar av dollar til vanlege folk.

Under følgjer ein film om mikrokredittarbeidet og nokon av lånekundane i La Paz fylke. Denne er ikkje oversett til norsk, så her går alt på spansk og aymara. Filmen kan gi eit inntrykk av landet og tilhøva sjølv om du ikkje forstår språket...

Informasjon om Misjonsalliansen - 30 år i Bolivia i 2009

Sjå video om Misjonsalliansen sitt arbeid i Bolivia. Denne blei laga i samband med at organisasjonen feira 30 år med arbeid i Bolivia frå 1979 - 2009.

Mision Alianza de Noruega en Bolivia...

View Larger Map

Her i dette området er eg på tur... 

Les meir om: Misjonsalliansen sitt arbeid i Caranavi